Jadiné

N buniscimo 2. y 3. post pur nostes atletes Elena Giuliano e Sara Costamoling.

En domënia ai 02.12 á nosta atleta Elena Giuliano tut pert ala Fiemme On Ice, na competiziun internazionala de jadiné artistich. Elena á garejé  tla categoria Intermediate Novice. Ara á jadiné cun grandiscima prezijiun y á porté dant n program nët y rich de elemënc tecnics de valüta, sciöche salc dopli y trotoles combinades. Ince tles componëntes artistiches y de interpretaziun éra gnüda valutada dër bun y á insciö stlüt jö süa proa cun n buniscimo 2. post.

Ai 24 de novëmber él gnü metü a jí a Pontebba, tl Friul, la secunda proa dl campionat trivenet. Nosta atleta Sara Costamoling á tut pert a chësta competiziun tla categoria Junior, fascia interregionala. Ara á porté dant so balet, rich de elemënc tecnics  cun pasciun y prezijiun. Ince tla pert artistica che tol en conscideraziun l'interpretaziun dl program é nosta atleta gnüda valutada dër bun, se davagnan insciö n beliscimo terzo post.

Braviscima Elena, braviscima Sara, ma insciö inant!